| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 1.64.2 | Hdt. 1.65.3 (English) | >>Hdt. 1.66.2 |
1.65.1
τοὺς μέν νυν Ἀθηναίους τοιαῦτα τὸν χρόνον τοῦτον ἐπυνθάνετο ὁ Κροῖσος κατέχοντα , τοὺς δὲ Λακεδαιμονίους ἐκ κακῶν τε μεγάλων πεφευγότας καὶ ἐόντας ἤδη τῷ πολέμῳ κατυπερτέρους Τεγεητέων . ἐπὶ γὰρ Λέοντος βασιλεύοντος καὶ Ἡγησικλέος ἐν Σπάρτῃ τοὺς ἄλλους πολέμους εὐτυχέοντες οἱ Λακεδαιμόνιοι πρὸς Τεγεήτας μούνους προσέπταιον .
1.65.2 τὸ δὲ ἔτι πρότερον τούτων καί κακονομώτατοι ἦσαν σχεδὸν πάντων Ἑλλήνων κατά τε σφέας αὐτοὺς καὶ ξείνοισι ἀπρόσμικτοι · μετέβαλον δὲ ὧδε ἐς εὐνομίην . Λυκούργου τῶν Σπαρτιητέων δοκίμου ἀνδρὸς ἐλθόντος ἐς Δελφοὺς ἐπὶ τὸ χρηστήριον , ὡς ἐσήιε ἐς τὸ μέγαρον , εὐθὺς ἡ Πυθίη λέγει τάδε .
1.65.3 οἱ μὲν δή τινες πρὸς τούτοισι λέγουσι καὶ φράσαι αὐτῷ τὴν Πυθίην τὸν νῦν κατεστεῶτα κόσμον Σπαρτιήτῃσι . ὡς δʼ αὐτοὶ Λακεδαιμόνιοι λέγουσι , Λυκοῦργον ἐπιτροπεύσαντα Λεωβώτεω , ἀδελφιδέου μὲν ἑωυτοῦ βασιλεύοντος δὲ Σπαρτιητέων , ἐκ Κρήτης ἀγαγέσθαι ταῦτα .
1.65.5 ὡς γὰρ ἐπετρόπευσε τάχιστα , μετέστησε τὰ νόμιμα πάντα , καὶ ἐφύλαξε ταῦτα μὴ παραβαίνειν · μετὰ δὲ τὰ ἐς πόλεμον ἔχοντα , ἐνωμοτίας καὶ τριηκάδας καὶ συσσίτια , πρός τε τούτοισι τοὺς ἐφόρους καὶ γέροντας ἔστησε Λυκοῦργος .
1.65.4ἥκεις ὦ Λυκόοργε ἐμὸν ποτὶ πίονα νηόν
Ζηνὶ φίλος καὶ πᾶσιν Ὀλύμπια δώματʼ ἔχουσι .
δίζω ἤ σε θεὸν μαντεύσομαι ἢ ἄνθρωπον .
ἀλλʼ ἔτι καὶ μᾶλλον θεὸν ἔλπομαι ,ὦ Λυκόοργε .
| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 1.64.2 | Hdt. 1.65.3 (English) | >>Hdt. 1.66.2 |
